ALLES HUUSGMACHT...

Chrüüter, Chnobli, Chili....oder doch en Saisonbutter?

wie im Restaurant, eifach för de Heime, be mer hets för jede öpis debie.
De Käsereibutter  för dHärstellig duen ich i eusere Chäsi im Reckechien bezieh: kaeserei-reckenkien.ch​​​​​​​
sganze Johr im Sortiment (im 70gr oder 120gr Chöbeli oder im 6er Rosettechöbeli, 80gr)
Chrüüterbutter:
Käsereibutter, past. Eigelb, fröschi Schalotte und Chrüüter (wenn möglich us em eigete Gärtli), dezue es paar gueti Gwörz, Worcestersauce und Gognac zur Abrundig. 
Chnoblibutter:
Käsereibutter, past. Eigelb, vell frösche Chnobli, Smokey Chnoblipulver und Salz. Meh bruchts ned för dä intensivi Butter. Ou eifach guet für es Chnoblibrot zmache.
Chilibutter:
Wärs gern scharf het: Habanero und Tabascosauce, Piri-Piri Chilis, Cayennepfeffer und tröchneti Chilis mit Käsereibutter, past. Eigelb und Salz gmischt.
die 3 Sorte gits ou als Rosette Mix zha, vo jedere Sorte 2 Rosette.
(erst wieder im Frühling 2023 erhältlich)
je nach Johresziit de Saisonbutter (nur im 70 gr Chöbeli erhältlich)
Bärlauchbutter im Früehlig (ab April)
Käsereibutter, past. Eigelb, Salz und Bärlauch gmixt mit Oliveoel. eifach en gueti istiig för bitz Früehlig ufem Teller.
Curry - Mangobutter (im Juni)
Käsereibutter, past. Eigelb und en Mix vo mildem Currypulver und Indischem Curry Mix mit ehre liechte Schärfi aber doch ou süessi vom Mango Chutney.
in Aktion
Limette - Schnittlauchbutter im Sommer (im August)
Zum Käsereibutter, past. Eigelb und Salz chonnt frösch presste Limettesaft, Zitronegraspüree .
Dezue no fiin gschnittne Schnittlauch, eifach herrlich Sommerlich.

ab 29.10.22 aktuell
Steipilzbutter im Herbst ( im Oktober)
Käsereibutter, past. Eigelb, Salz, Pfeffer und es Mousse us brotne Steipilz und Schalotte, dezue no frösche Thymian usem Garte.
Fein zu Wildfleisch oder imene Steipilzrisotto.
im Winter gits kei Saisonbutter.

möglichi grössine sind 70gr., 120gr. oder neui ou 250gr (uf bstellig). för spezielli Wünsch chame sich gern bi mer per Telefon oder Mail mälde unter Kontakt findsch alles nötige.
De Butter isch ou eifach ganz normal im Chüelschrank sehr lang haltbar.
Ich be das Johr ou vom kantonale Lebensmittelamt prüeft worde und ha en mikrobiologische Labortest loh mache vom Chrüüterbutter und es isch alles in beschter Ordnig .